𝗦𝗲𝗮𝗿𝗰𝗵 𝗮𝗻𝗱 𝗥𝗲𝘀𝗰𝘂𝗲 𝗼𝗽𝗲𝗿𝗮𝘁𝗶𝗼𝗻 𝗶𝘁𝗶 𝗯𝗮𝗴𝗶 𝘁𝗶 𝗻𝗮𝗶𝘆𝗮𝗻𝗼𝗱 𝗮 𝗯𝗮𝗹𝗮𝘀𝗶𝘁𝗮𝗻𝗴 𝘀𝗮𝗱𝗶𝗮𝘆 𝗜𝘁𝗼𝗴𝗼𝗻, 𝗮𝗴𝘁𝘂𝗹𝘁𝘂𝗹𝗼𝘆

BAGUIO CITY – Agtultuloy ti search and rescue operation nga ipatpatungpal dagiti personnel ti Itogon MPS ken dadduma pay a maseknan iti bagi ti maysa a balasitang a naiyanod iti Agno River sadiay Sitio Salapsap, Dalupirip, Itogon, Benguet itay laeng malem.

Iti phone interview ti Bombo Radyo, kinuna ni PMaj. Mathew Burgos, dadaulo ti Itogon MPS, dua a balasitang nga agtawen iti 16 ken 15 manipud Virac, Itogon, Benguet ti nagpakada kadagiti nagannakda tapno aglangoy iti nasao a karayan.

Nupay kasta, gapu iti napigsa nga ayos ti danum ket naiyanod ni Colleen Chance Flores, 16-anyos, estudyante bayat a naispal met ni Cherry Leigh Dumalog Pangang-at kalpasan nga adda ti nag- iggemenna a bato.