Naulila ita ti 1-anyos nga ubing kalpasan a pimmusay dagiti nagannakna iti aksidente a nakairamannanda idiay Magsaysay, Naguilian, Isabela idi malem ti Hunyo 23.
Kadwa ti ubing ti lola ken lolona a nadangran ken nakalasat iti nasao nga aksidente.
Nabigbig dagiti agasawa a pimmusay a da Dominic Denna ken Rosalie Denna bayat a dagiti nadangran ket ti 1-anyos nga ubing kadwana ti lolo ken lolana a da Domingo Denna ken Mary Grace Denna.
Sigun kenni Police Major Ferdinand Datul, dadaulo ti Naguilian Municipal Police Station, nakalugan dagiti agkakapamilya iti tricyle nga inmaheno ni Domingo idi pimtuk ti maysa a pilid rason a naibangga iti tanker nga imanmaneho met ni Edison Calipjo, 25-anyos, residente ti Cauayan City, Isabela.
Naitaray iti ospital dagiti lima a biktima ngem pimmusay dagiti agasawa a da Dominic ken Rosalie.
Iti agdama ket addan iti kustodiya ti pulisya ti driver ni tanker a ni Calipjo ken ti pamilya dagiti biktima para iti compromise agreement.
