--Ads--
Natiliw dagiti dua nga indibidual ken nakumpiskar manipud kadakuada ti nasurok 1 million pesos ti gatadna a marijuana bricks nga agdagsen iti 9,000 a gramo idiay Purok 6, Bulanao, Tabuk City, Kalinga idi kalman.
Tiniliw dagiti operatiba ti Philippine Drug Enforcement Agency – Kalinga ken ti PNP-Kalinga dagiti dua a suspek kalpasan a nagilakoda ti siyam a bricks ti marijuana dried leaves iti undercover agent.
Nakumpiskar metlaeng manipud kadagiti suspek ti paltog ken bala.
Dagiti suspek ket agpada a residente ti Loccong, Tinglayan, Kalinga.
Iggem ita ti PNP-Kalinga dagiti suspek ken maisagsagana metten ti kaso kontra kadakuada.
