Impakaammo ti Philippine National Police (PNP) nga agtaltalinaed a nakasara ti agarup 375 iti 14,519 a gasolinaan gapu iti kinakurang ti suplay iti petrolyo iti pagilian gapu iti agtultuloy a krisis idiay Middle East.
Sigun iti Philippine National Police, agtultuloy ti panangmonitorda iti sitwasyon kabayatan a naka-full alert status dagitoy.
Innayon pay ti PNP nga agarup 98,000 personnel ti naideploy para iti Holy Week ken summer vacation ita a tawen.
“Some stations have reopened after restocking, while the PNP remains vigilant against profiteering, hoarding, and other unlawful activities. Nine cases have been filed, with others under case build-up across various regions,” sigun iti nasao nga opisina.
Sigun met kenni Chief General Jose Melencio Nartatez, Jr., nakikoordinardan iti Department of Energy ken Municipal Price Coordinating Council tapno masigurado ti umdas a suplay ti petrolyo para iti publiko.
Nagpalagip metlaeng daytoy kadagiti negosyante a sumurot dagitoy iti linteg ken saanda nga ag-hoard wenno mang-overprice kadagiti lako da a gasolina.
Guyguyugoyen pay daytoy ti publiko nga ireportda iti kapulisan nu adda dagiti ilegal wenno saan a nasayaat nga aktibidad nga adda pakainaiganna iti suplay ken presyo ti petrolyo. //bombokaren.c.s
