Imbutaktak ti otoridad a naduktalan dagiti explicit contents kadagiti digital devices a kukua ni Thomas Markle Sr., ama ni Meghan Markle nga asawa ni Prince Harry.
Sumangsango ni Marckel Sr. iti imbestigasyon kalpasan iti panangisumitir ti anakna a ni Thomas Markle, Jr. kadagiti digital devices a mapapati a naglaon kadagiti materyales a manglablabsing iti Anti-Online Sexual Abuse wenno Exploitation of Children and Anti-Child Sexual Abuse or Exploitation Materials Act.
Sigun iti Directorate for Investigation and Detective Management (DIDM), dumalan dagiti nasao a materyales iti panangtingiting kadua dagiti dadduma pay a nakumpiska a non-digital devices.
Innayon pay daytoy nga adda dagiti nakitana a video dagiti lallaki ken babbai a menor de edad a biktima iti sexual exploitation.
Mannarimaan metten ti pananguray dagiti otoridad iti pakabuklan a report nu adda kadagit videos ni Markle Sr.
Kabayatanna, nangbukel metten ti Police Regional Office iti task force nga agpokus iti panagkalap kadagiti ebidensya para iti posible a pannakaipila ti pananglabsing iti Republic Act No. 11930 wenno ti Anti-Online Sexual Abuse or Exploitation of Children ken Anti-Child Sexual Abuse or Exploitation Materials Act.
Adda metten idiay Cebu ti kameng ti US Federal Bureau of Investigation tapno mangipatungpal iti bukod da nga imbestigasyon ken tapno makitinnulong metlaeng iti lokal a pulisya ti Cebu.
Maipalagip a nagtaeng ni Marckle, Sr. idiay Cebu manipud Enero 2025 agingga Mayo 2026. Nagsubli metlaeng daytoy iti Estados Unidos para iti medical treatment ken mannarimaan nga adda iti pasilidad idiay Florida.
