Umap-apela ti Philippine National Police (PNP) kenni Senador Ronald “Bato” dela Rosa a boluntaryo a sumuko tapno maliklikan ti anyaman a kinaranggas iti pannakaipatungpal ti warrant of arrest kontra kenkuana.
Sigun kenni PNP Deputy Chief for Administration Lt. Gen. Joseph Wilson Lopez, awan paylaeng ti naaw-awat dagitoy nga indekasyon a sumuko ti senador bayat nga agtultuloy ti panagbirok kenkuana.
Impasigurado ni Lopez a panggep ti PNP nga ipatungpal ti warrant a natalna.
Nakasagana metlaeng a tumulong ti Armed Forces of the Philippine no kasapulan.
Kabayatanna, kiniddaw ti abogado ni Dela Rosa nga ikonsidera dagiti pulis ti nagbalin a serbisyo ti senador kas sigud a hepe ti PNP.
Pinagduaduaan metlaeng ti legal team ti basaran ti operasyon agsipudta maatap nga awan ti warrant of arrest nga impaulog ti korte ti Pilipinas kontra iti senador.//
