--Ads--
Naispal ti 19 a Pilipino a tripulante kalpasan a natamaan iti drone ti barko dagitoy iti Black sea nga asideg iti pagilian a Bulgaria.
Sigun iti Department of Migrant Workers, dua kadagitoy ti nasugatan.
Iti inisyal nga imbestigasion, limmagto iti baybay dagiti tripulante sakbay nga inispal ti Bulgarian Army.
Agtaltalinaed dagiti Pinoy iti maysa a hotel sadiay Bulgaria, bayat a napakaamuan metten ti maseknan a pamilya dagitoy seknan iti napasamak nga insidente.
Manarimaan ti panangasikaso dagiti maseknan nga ahensiya iti panagawid dagiti tripulante iti pagilian.
Kabayatanna, ad-adalen ti DMW no maipasidong iti high-risk and war-like zone classification ti southwestern Black Sea a nakapasamakan ti insidente.






