Dinosdosena a Palestinian ti napuersa nga agbakwit manipod kadagiti toldada ken temporario a pagnanaeden dagitoy idiay Gaza kalpasan a nangiyuswat ti Israel iti panagraut babaen iti panagaramat kadagiti tangke iti lugar a saklaw iti ceasefire idi 2025.
Sigun iti Israeli militar, panggep ti operasion a dadaelen ti maysa a tunnel a pangta kadagiti soldadoda.
Binallaaganda pay dagiti sibilian nga umadayoda iti nasao a lugar.
Kinondenar met iti Hamas ti operasion ken kinunana a panaglabsing daytoy iti ceasefire ken mangituntunda iti nakaro a tension.
Adu nga umili ti nagtalaw, ta maamakda a mabalin a bumtak manen dagiti dadakkel a panangraut.
Adda metlaeng ti nadangran ken pimmusay iti nagsina a panagraut idiay Israel, sigun kadagiti Palestinian medical worker.
Iti baet iti katulagan iti ceasefire idi Oktubre 2025, agtultuloy ti kinaranggas idiay Gaza.
Sigun kadagiti otoridad idiay Gaza, saan a bummaba iti 1,600 a Palestinian ti pimmusay manipod idi naipatungpal ti ceasefire, bayat a nasurok iti 74,000 nga indibidual ti pimmusay manipod idi nangrugi ti giera idi Oktubre 7, 2023.











