Nagballaag iti Doctors Without Borders (MSF) a mapapati a sistematiko a maik-ikkatan iti danum dagiti tattao idiay Gaza Strip, nga inawaganda a “collective punishment” kontra kadagiti sibilian.
Iti report iti “Water as a Weapon,” kinuna iti MSF a nalawa ti pannakadadael kadagiti water ken saniation system idiay Gaza—karaman ti desalination plants, pipelines, ken sewage systems—a nangitunda iti nakaro a kinakurang iti danum.
Sigun kenni MSF emergency manager Claire San Filippo, mapapati nga inggagara ti Israel ti panangdadael ken panaglapped kadagiti suplay iti danum, a nagresulta iti nakaro a kasasaad para kadagiti residente.
Impunto metlaeng iti organisasion a malaplapdan ti operasion gapu iti military restrictions, bayat nga adda dagiti kaso iti panagatake iti water trucks ken pasilidadda.
Kidkiddawen ti MSF a dagos a maisubli ti suplay iti danum idiay Gaza ken guygoyugoyenda dagiti kaalyado iti Israel nga aramatenda ti impluwensia tapno malapdan ti pananglapped iti humanitarian aid.
Agtultuloy met a tensionado ti kasasaad idiay Gaza uray adda ti ceasefire gapu kadagiti report a panagatake ken panaglabsing iti katulagan iti nagsinnumbangir a benneg.
