Kinablaawan ni Arthur Carlos Punong Barangay ti Brgy. Irisan Baguio City Saan dagiti PNP kalpasan iti nagsasaruno a buy bust operation dagitoy.
Iti pannakiuman ti Bombo Radyo Baguio kenni Arthur Carlos, Punong Barangay ti Brgy. Irisan Baguio City, kinunana a saan a mailibak nga ada ladta dagitoy a pasamak.
Kinunana pay a maysa ti pagadalan a bambantayanda para iti peace and order.
Kabayatanna, dinakamat metlaeng daytoy iti panagbantayda iti trapiko kalpasan iti panag-umay dagiti turista iti maysa a nalatak a pagpasyaran iti nasao a lugar.
Kabayatanna, kinuna ti opisial nga awan ti mabalinan nu mapasaran ti El Nino ngem kasapulan iti umili nga ag-urnong iti danum.
Kasapulan metlaeng a bantayan ken idulin a nasayaat tapno saan a rason a pagtaudan ti dengue.
Imbinglay na metlang nga ur-urnusen ti water district ti linyada ken ada metlaeng ti agdama aproyekto daytoy para iti San Carlos.
Iti sabali a bangir, adda metlaeng ti proyekto iti Barangay a CCTV kadagiti purok tapno maliklikan ti panagtakaw nangruna tatta a “ber “ months.
Impettengna a kanayon metlaeng a pagtaripnongan dagitoy iti peace and order kadwa dagiti kameng ti pulisya.
Kiniddaw daytoy a sapay koma nga agalwad, agtitinulong ken sukimaten dagiti borders iti tunggal paggabangan.
Dagus nga ireport kadagiti opisiales ti Barangay nu adda dagiti saan nga am-ammo ken mapagduaduaan a tao.
Daytoy ket dapno dagus nga ireportda iti PNP ken PDEA. | via Bombo Syra Calion











