--Ads--

Impeksa ti Philippine National Police (PNP) a nakasagana dagitoy a mangasistar iti posible nga extradition wenno pannakaiyakar ni Kingdom of Jesus Christ (KOJC) leader Pastor Apollo Quiboloy idiay Estados Unidos.

Sigun kenni PBGen. Allen Rae Co, mangidadaulo iti PNP- Public Information Office (PIO), iti kanito nga ada ti pammilin manipud iti korte a tumulongda iti panangiyakar ken panangisecure kenni Quiboloy iti airport, dagos dagitoy nga agtignay.

Maipalagip a nangipaulog ti Makati Regional Trial Court iti extradition arrest warrant ken hold departure kenni Quiboloy ken dua nga pay nga indibidual a kaduana nga akusado.

Daytoy ket maipapan iti reklamo nga International human trafficking, sex trafficking, conspiracy, ken bulk cash smuggling.

Immunan nga impeksa ti National Bureau of Investigation (NBI) a nakasaganada a tumulong iti kanito a miayakar ni Quiboloy idiay Estados Unidos.