--Ads--

Nagbalin a sentro iti maika-44 nga aldaw ti impeachment trial ni Vice President Sara Duterte ti debate iti nagbaetan ti prosecution ken ti depensa mainaig iti kinalaing ti testigo a ni Rainer Dela Fuente, founder ti AML Consulting PH a mangsungbat kadagiti saludsod.

Kinuwestionran ni House prosecutor Chel Diokno ti testigo agsipudta maatap a saan nabasa ti testigo ti report a mangibagbaga nga addaan ni Duterte iti P817 milion a saan a mailawlawag a kinabaknang wenno dagiti impeachment articles ken dadduma pay nga ebidensia.

Kabayatanna, nagbalin met a topiko ti diskusion iti online ti flame transition a nagparang bayat ti livestream, partikular iti panagkarkararag ni Senador-judge Alan Peter Cayetano.

Nagkiddaw ti Senate PRIB iti dipensar ken imbilinna ti pannakaikkat ti flame transition iti livestream.