--Ads--

Nakompiskar ti Philippine National Police (PNP) ti agarup P9 million a gatad ti produkto a petrolyo ken karagawaan iti dua a nagsina nga operasyon sadiay Lipa City, Batangas, idi Nobyembre 18, 2026.

Dua nga indibidual ti naarestar gapu iti maatap nga ilegal a panagilako iti produkto a petrolyo.

Indualwan ti Criminal Investigation and Detection Group (CIDG) Batangas dagiti operasyon kontra iti dua a gasolinaan nga awanan iti permit manipud iti Department of Energy (DOE).

Nakompiskar ti mapattapatta a 55,000 litro ti gasolina ken diesel sadiay Barangay Sabang.

Karaman kadagiti nakompiskar ti fuel pump ken underground storage tank nga agatad iti P7 million.

Iti sabali nga operasion, nakompiskar metlaeng dagiti produkto a petrolyo ken kagawaan nga agatad iti P2 million sadiay Barangay San Sebastian.