--Ads--
Posible a mapasaran dagiti motorista ti big time oil price hike kadagiti produkto a petrolyo intun sumaruno a lawas.
Sigun iti maysa a source, posible a ngumato iti P9.50 agingga P10.50 tunggal litro ti presyo ti diesel.
Posible met a ngumato iti P3.50 agingga P4.50 tunggal litro ti presyo ti gasolina.
Kangrunaan a rason ti manamnama a panagngato ti presio ti lana ti baru a tension sadiay Middle East.
Karaman ditoy ti panangraut ti Iran kadagiti commercial ship a dumaldalyasat iti Strait of Hormuz ken panagatake ti Estados Unidos kadagiti military asset ti Iran.
Malaksid iti daytoy, naapektaran ti presio ti lana gapu metlaeng iti posible a pannakasinga ti suplay, pannangkissay ti Russia iti panag-export ti diesel ken dadduma pay.
