Impeksa ti kampo ni Senator Ronald “Bato” Dela Rosa a saan a pinanawan ti senador ti opisina na.
Daytoy ket iti tengnga ti ethics complaint a naipila kontra iti senador gapu iti napaut a panag-ab-absentna iti senado.
Sigun kenni Atty. Israelito P. Torreon, legal counsel ni Sen. Bato, agtaltalinaed a nakalukat ti opisina ti senador ken agtultuloy ti panagtrabaho dagiti staffs na.
Innayon ti abogado a saan a personal a sumangsango ti senador kadagiti aktibidad gapu ngarud iti sangsanwenna a warrant manipud iti International Criminal Court (ICC).
Maipalagip a saanen a naimatangan ti senador manipud idi nagparang idiay Senado idi Mayo.
Kagidan dayta, inkalintegan ni Torreon a madisiplina laeng ti senador nu adda ti linteg iti uneg ti pagilian a mangipataw iti daytoy.
Maipalagip a nangipatulod ti senate ethics committee iti transmital letter iti kampo ni Sen. Bato ita a lawas.
Impeksa met ni Torreon a mangisumitir ti kampo ti senador iti sungbat wenno komento iti naituding nga oras no sadino, kiddawenda ti pannakaibasura ti nasao a reklamo.









