BAGUIO CITY – Pimmusay ti maysa a lalaki bayat a nadangran ti dua a menor de edad a kadwana kalpasan a naidungpar iti kayo ti naglugananda a motorsiklo sadiay Brgy. Pidipid, La Paz, Abra idi rabii.
Nabigbig ti pimmusay a ni Jomar Tulfo Laro, 27, addaan iti asawa ken driver ti motorsiklo bayat a dagiti nadangran ket dagiti backriders daytoy a da Nathaniel Laro Parado, 13 ken ni Aegis Laro Novida, 14, a bin-ig a residente ti Brgy. Manawis, Lagayan, Abra.
Maibasar iti inisyal nga imbestigasyon ti La Paz Police, daldalyasaten dagiti biktima ti nasao a kalsada paturong sadiay Lagayan idi napukawan iti kontrol iti motorsiklo ti driver agingga a naidungparda iti kayo.
Gapu iti daytoy ket nagsagrap dagiti biktima iti head injuries ken sugat iti nagduduma a paset ti bagi dagitoy.
Naitaray dagitoy iti ospital ngem naideklara a dead on arrival ni Laro.
