Inwaragawag ni Atty.Rayman Solbita, Election Officer iti probinsia ti Abra a sangapulo nga oras laeng ti nagbaetan dagiti nagsasaruno nga insidente ti pammaltog iti Munisipio ti Bangued, Abra.
Iti pannakiuman iti Bombo Radyo kenkuana, impettengna a nagsasaruno ti napasamak a pammaltog sadiay a pakairaman ti driver ti maysa a kandidato, sinaruno ti napasamak nga ambush iti bunggoy ti kapitan idiay Barangay Bañacao.
Kalpasan ti sangapulo nga oras, napasamak metlaeng ti pammaltog iti Zone 6, Bangued a nangitunda iti ipupusay ti maysa a manursuro ken dentista.
Sigun kenni Atty. Solvita, kinarit ti Gobernador ti nasao a probinsia dagiti PNP ken Army sadiay a rumbeng nga aktibo dagitoy iti imbestigasion.
Nabagaan pay dagiti nasao a kameng ti otoridad a mangiruar dagitoy iti imbistigasion seknan kadagiti nagsasaruno a pammaltog tapno maipakita nga “on-top” wenno “in control”dagitoy iti kasasaad ti Abra.
Impetteng ti nasao nga opisial nga apaman a saan a maaramid daytoy, posible a mangitunda dagiti insidente iti panagbuteng kadagiti tattao ken saanda a rumwar nga agbotos.//mp4
