Pimmusay ti 11 nga indibidual, pakairamanan ti piloto ken 10 a parachutists kalpasan a nag-crashed ti eroplano a naglugannanda iti amianan a daya ti France idi June 28, 2026.
Sigun kadagiti maseknan nga opisiales, narswek ti aircaft, sumagmamano laeng a minutos ti napalabas manipud iti panagtayab daytoy.
Ti nasao nga eroplano ket nagluganan ti lima a trainee parachutists ken lima nga instructors ti maysa a parachuting school.
Amin dagiti trainee parachutists ket agpapada a nurse.
Sigun iti maysa a saksi a saanen a nagpabigbig, killaat a simmardeng ti makina ti aircraft kabayatan ti panagtayab daytoy.
Malaksid iti dayta, awan ti naobserbaranda nga uram iti aircraft sakbay a narswek.
Iti media reports, nakarehistro ti aircraft sadiay Germany.
Iti agdama, saan paylaeng a nalawag no ti nakaro a pudot sadiay ti maysa a rason ti maatap a panagiddep ti makina ti aircraft.
Manarimaan paylaeng ti imbestigasion dagiti otoridad iti napasamak nga insidente.
