--Ads--
Impakaamo ni President Ferdinand Marcos Jr. a 115 a Filipino convicts idiay United Arab Emirates ti naipaayan iti royal pardons sakbay ti Eid’l Fitr, a mangtanda iti panagpatingga ti Islamic holy month of Ramadan.
Iti maysa a press release, nagyaman ni President Marcos ken ni United Arab Emirates President His Highness Sheikh Mohamed bin Zayed Al Nahyan gapu iti ”compassionate act” ti pagilianna.
Ti royal pardons ket impakaamo ti UAE Embassy sadiay Manila iti Department of Foreign Affairs itay kanikadua.
Nagkiddaw metten ti UAE iti tulong iti Pilipinas tapno maipadanon ti nagan dagiti napakawan.
Ti Eid’l Fitr ket manamnama nga agpatingga inton Marso 31, 2025.
