Kinumpirmar dagiti otoridad a 12 a gangganaet ti karaman kadagiti agarup 21 a pimmusay iti uram a napasamak iti maysa a hotel idiay Delhi, India idi Miyerkules, June 3, 2026.
Iti report dagiti otoridad, saan a nakamat ti nasyonalidad dagiti gangganet a pimmusay.
Nupay kasta, immuna a nabigbig a karaman kadagiti pimmusay ket Bangladesh, Nigeria, Mozambique, ken Liberia.
Sigun kadagiti saksi, sumagmamano a tao ti limmagto manipud iti nauram a pasdek tapno makatakas dagitoy iti uram.
Sigun kadagiti residente, nangrugi ti uram iti maikadua a kadsaaran ti pasdek.
Gapu iti dayta, na-trap dagiti adda iti maika-tallo ken maikappat a kadsaaran.
Sigun iti pannakangiwat ti state-run nga All India Institute of Medical Sciences, 13 a pasiente ti naiturong iti ospital, dua kadagitoy ti adda iti kritikal a kasasaad.
Iti agdama, agtultuloy paylaeng ti imbestigasion dagiti otoridad iti napasamak nga insidente.
