Naituding a maideploy dagiti 12,000 a police personnel iti pagilian bayat ti maikapat nga State of the Nation Address (SONA) ni President Ferdinand Marcos Jr. inton July 28, 2025.
Sigun kenni PNP spokesperson Brig. Gen. Jean Fajardo, i-activate dagitoy ti “Manila Shield,” no sadino karaman iti daytoy ti panakaideploy dagiti pulis manipud sadiay Calabarzon, Central Luzon, ken National Capital Region Police Office (NCRPO) tapno maimplementar ti border control measures.
Kinunana pay nga adda dagiti reserve force nga ag-standby iti kanito a kasapulan dagitoy ti kanayonan a personnel.
Makikikoordinar metlaeng dagitoy iti Office of the Sergeant-at-Arms iti House of Representatives tapno ma-finalize ti security protocols a maimplementar iti uneg ken ruar ti Batasang Pambansa bayat ti aldaw ti State of the Nation Address ti presidente.
