Rinambakan ti pagilian a Pilipinas ti maika-127 Independence Day ita nga aldaw no sadino naipatungpal dagiti nagduduma nga aktibidad kas iti flag raising ceremonies ken parades iti pagilian.
Indauloan ni President Ferdinand ”Bongbong” Marcos Jr. ti selebrasyon ti anibersaryo ti Philippine Independence and Nationhood sadiay Manila.
Kinuna ti Presidential Communications Office, ti national program ket nangrugi babaen iti flag-raising ceremony iti Rizal National Monument ken sinaruno ti wreath-laying rites kas panagbigbig kadagiti bannuar ti pagilian.
Naisayangkat met ti grand float parade a nang-higlight kadagiti nagduduma a pasamak iti Philippine history.
Tunggal float ket mangipakpakita iti heroism.
Iti panagbitla ni President Marcos Jr., impeksana ti kanayun a panangilaban iti pagilian ken ti panaglapped iti panagwaras dagiti saan a pudno nga impormasyon.
Sadiay Kawit, Cavite, indauloan ni Supreme Couirt Chief Justice Alexander Gahon Gesmundo ti wreath laying, flag-raising, gun salute ken parada iti Aguinaldo Shrine.
Maipalagip a ti Pilipinas ket naiproklama a nawaya-wayaan idi Hunyo 12, 1988 iti ancestral home ni General Emilio Aguinaldo sadiay Kawit, Cavite kalpasan ti 333 years a panagsakop dagiti Espanyol iti pagilian.
