--Ads--

Kinumpirmar ti Bureau of Customs a naituding a mai-auctioned iti publiko dagiti 13 a luxury cars a nakumpiskar manipud kadagiti agasawa a da contractors Pacifico ken Sarah Discaya mangrugi inton Nobyembre 15, 2025.

Sigun kenni Bureau of Customs Assistant Commissioner Vincent Maronilla ti paglakuan dagitoy ket maiturong iti national treasury no sadino maaramat daytoy kas pundo para iti prioridad a proyekto ti gobierno.

Impasiguradona pay kadagiti gumatang nga awan ti aniaman nga isyu daytoy agsipud ta mangipaayda iti certification a mangpaneknek a legal a nagatang daytoy.

Maipawil met a makipaset iti auction dagiti pamilya Discaya kasta metten ti importers dagiti nasao a lugan.