Madandanagan dagiti health authorities kalpasan a ngumatngato ti kaso ti HIV kadagiti menor de edad iti pagilian.
Daytoy ket kalpasan a nailista a ti kaubingan nga addaan iti nasao a sakit ket agtawen iti sangapulo ket tallo sadiay Palawan babaen iti “unprotected contact.”
Maibasar iti datos ti City Health Office sadiay Palawan, dumanon iti 17 nga indibidual nga agtawen iti 0-14 ti nagpositibo iti HIV.
Iti nasao a datos, nakailista pay dagitoy iti maladaga a naapektaran iti sakit nga HIV babaen iti mother-to-child transmission.
Dagiti agtawen iti 15-24 ti kaadoan ti kasona iti HIV a dumanon iti 391.
Kabayatanna, nailista ti 593 a kaso kadagiti agtawen iti 25-34; 187 a kaso kadagiti agtawen iti 35-49 ken 22 a kaso kadagiti agtawen 50 pangato.
Gapu iti dayta,makidkiddaw iti publiko ti panakaisidong dagitoy iti HIV testing tapno maamoan no dagitoy ket addaan iti nasao a sakit bayat a maipaspasigurado ti confidentiality iti daytoy.
