Dumanon iti 131 a nagduduma a banag ti naideposit ken temporaryo a nakumpiskar iti Baguio Public Cemetery bayat ti panagbantay dagiti otoridad ita nga aldaw kagiddan ti panakalagip ti All Saints Day.
Sigun kenni PMaj. Harriet Bulcio, Chief of Police ti Baguio City Police Office Station 1 dagiti nakumpiskar a banag ket pakairamanan dagiti sigarilyo, kartib ken kutsilyo.
Kagiddan dayta, inlawlawagna a dagiti nasao nga items ket maisubli metlaeng kadagiti agtagikua iti daytoy.
Mainaig iti dayta, dumanon metlaeng iti walo nga indibidual ti naipaayan iti medical assistance kalpasan a natalimudaw dagitoy.
Iti baet dayta, awan met ti naireport kadakuada a napukawan wenno natakawan iti alikamen.
Nupay kasta, nagpalagip daytoy kadagiti amin nga agbisita kadagiti sementeryo a liklikan nga agitugot kadagiti maipawil a banag iti uneg dagiti sementeryo.//Bombo Noveh Organo
