Manamnama a sumangpet amin dagiti 133 a cardinal inton Mierkoles a makipaset iti “secret conclave” a mangbutos iti baro a Santo Papa, sigun iti Vatican.
Mangrugi ti “conclave” iti likudan dagiti naserraan a kayo a ruangan ti Sistine Chapel inton malem ti Mierkoles, nga amin a kardinal nga agtawen iti nababbaba ngem walo pulo ket maikari a makipaset tapno agpili iti sumaruno a Papa.
Sumagmamano kadagiti cardinals ti mangsapsapul iti baro a Papa nga ad-adda nga agbalin a “transparent,” ken maysa a “welcoming church,” bayat a dagiti dadduma ket agsapsapul iti dadduma a kualipikasion.
Dandani inaldaw nga agtataripnong dagiti Catholic cardinals ti lubong sipud pay idi aldaw kalpasan ti ipupusay ni Francis idi Abril 21 tapno pagsaritaanda ti kasasaad ti 1.4 bilion a miembro ti simbaan, nga in-inut nga umad-adu ti bilang dagitoy.
