BAGUIO CITY- Inaklon ti Commission on Election (COMELEC ) Baguio a saanda a naakomodar amin dagiti nakapila para iti voter’s registration idi May 18, 2026.
Iti pannakiuman ti Bombo Radyo kenni Atty. Romeo Aguilar Jr., acting elections officer iti siudad ti Baguio, inlawlawagna nga ipatpatungpalda ti “30-meter” rule wenno ti 30-meter radius around polling precincts or registration sites.
Iti nasao a “30-meter” rule, maakomodar laeng dagiti nakapila iti masakuman ti 30 meters manipud iti registration sites no nag-cut off ti COMELEC iti 3:00 p.m.
Sigun kenni Atty. Aguilar, saanen a mailaylayon ti voter’s registration malaksid laeng no adda ti ipaulog ti COMELEC a pammilin.
Iti agdama, dumanon iti agrup 16, 000 dagiti amin a nagparehistro iti suidad ti Baguio, manipud nagrugi ti voter’s registration.
Kabayatanna, naituding intun June 2026 ti Election Registration Board (ERB) iti siudad.//mp4
