TUBA, BENGUET- Dumanon iti agarup 1,800 a resident iti Tuba, Benguet ti nagparehistro iti voter’s registration manipud Oktubre agingga Mayo 18, 2026.
Iti pannakiuman ti Bombo Radyo iti Election Officer ti Tuba Benguet a ni Carmel Genove, kinuna a bassit ti nagparehistro idi maudi nga aldaw ti registration.
Maibasar iti datos, dumanon laeng iti 59 ti nagparehistro idi May 18, 2026 no sadino, kaaduan kadagitoy ket nagpa-transfer.
Sigun kenni Genove, posible a saan nga interesado dagiti residente iti panagbobotos.
Kasaruno daytoy iti karit a sangsangwenda iti panagparehistro.
Karit metlaeng iti COMELEC Tuba no kasanoda nga impakaammo ti Voters Education and information.
Kabayatanna, dumanon iti 26, 563 ti bilang dagiti botante iti Tuba ngem posible a bumaba wenno manayunan daytoy.
Naituding intun September 28 agingga October 05, 2026 ti filling ti Certificate of candidacy para iti Barangay and Sangguniang Kabataan Elections (BSKE).//mp4
