Inlawlawag ti Commission on Election – CAR ti Comelec Resolution No. 11294 para iti agtultuloy a programa ti Comelec seknan iti voter registration.
Iti pannakiuman ti Bombo Radyo kenni Atty. Elenita Julia Tabangin-Capuyan ti Comelec-CAR, inlawlawagna a ti resolution ket dagiti pagalagadan iti pannakaipatungpal ti agtultuloy a sestima ti registration a kasapulan a tungpalen ti ahensiya.
Silulukat ti Comelec para iti voter registration manipud iti Martes agingga Sabado, 8:00 a.m agingga 5:00 pm iti tunggal Sabado ken Holidays bayat nga 8:00 a.m agingga 6:00 pm iti Martes agingga Biernes.
Sigun kenni Atty. Tabangin, ti registration ket panagsagana iti May 2028 National and Local Elections.
Maidiaydiaya ti register anywhere program (RAP) a maisayangkat iti Capitol town ken iti siudad.
Maipatpatungpal metlaeng ti Special register anywhere program (SRAP) no sadino, mabalin nga agparehistro iti Cordillera dagiti residente iti dadduma a lugar. Maitulod ti registration dagitoy iti bukodda probinsiya ken rehion.
Nupay kasta, kasapulan nga ipresensta ti ID wenno anyaman kadagiti Utility bills nga addaan iti address, statement of Bank account ken Contract of Lease a mangpaneknek a residente dagitoy iti maysa a lugar iti pagilian.
Inyunay-unay ni Atty. Capuyan a saan a mabalin dagiti sumagmamano nga ID a kas iti Cedula, Barangay ID card, PNP Clearance, Company ID ken dadduma pay.
Kabayatanna, mabalin metlaeng nga ag-update iti registration a kas iti signature, apelyedo, ken picture.
Inlawlawag ni Atty. Capuyan a mabalin nga ag-update iti ladawan no napalabas ti 10 a tawen wenno nasursuruk pay.//mp4










