--Ads--
Luktan manen ti Commission on Elections (Comelec) ti voter registration intun Nobiembre 10 agingga Hulyo 30, 2027 kas panagsagana iti 2028 national ken local elections.
Sigun kenni Comelec Chairperson George Garcia, mabalin nga agparehistro dagiti saan paylaeng a rehistrado a botante, agpaakar iti registration, agpa-reactivate ti record wenno agpasukat iti personal nga impormasyon.
Mapattapatta a dumanon iti 74 million a Pilipino ti mabalin nga agbotos iti eleksyon intun Mayo 2028.
Manamnama a manayunan iti maysa a milyon dagiti kualipikado a botante para iti Barangay and Sangguniang Kabataan Elections (BSKE) intun Nobiembre 2028.
