Inlawlawag ni Atty. Elenita Julia Tabangin-Capuyan ti Comelec-Cordillera nga i-akomodar dagitoy dagiti agparehistro iti last minute iti kanito a madanun ti closing time.
Nupay kasta, inyunay-unayna a maiyaplikar laeng daytoy iti maudi nga aldaw ti registration.
Maakomodar laeng dagiti nakapila iti masakupan ti 30 meters regius manipud iti opisina dagitoy a kas ti nakalanad iti Comelec resolution.
Kabayatanna, idiaydiaya metlaeng ti Comelec ti Satellite/Special Satellite Registration no sadino, mabalin nga ag-request iti Comelec nga agisayangkat iti voter registration kadagiti Barangay.
Para daytoy kadagiti Senior Citizen, agtutubo, pagadalan ken dadduma pay a lugar a mabalin a pakaisayangkatan daytoy.
Inyunay-unay ni Atty. Capuyan nga awan ti mabayadan iti voter registration, mabalin metlaeng nga idownload ti voter registration record iti www.comelec.gov.ph, i-fill out sakbay nga agturong iti opisina ti Comelec.
Sumagmamano a karit a sangsangwen ti Comelec iti registration dagiti indibidual nga agparehistro nga awanan iti ID, panangparehistro iti dadduma a tao, kiddaw dagiti agparehistro nga online registration ken dadduma pay. //mp4











