BAGUIO CITY – Manarimaan ti panangkumpirmar ti munisipyo ti La Trinidad, Benguet kadagiti sangagasut tallopulo ket tallo a titulo a naipaay kadagiti informal settlers ti Puguis Communal Forest.
Sigun kenni Mayor Romeo Salda, as-asikasoen daytoy ti zoning office ti munisipyo tapnu agbalin a balanse ti maipatungpal a desisyon kalpasan a nakita ken naadal amin nga ebidensiya nga imparang dagiti informal settlers.
Kinunana a dagiti naipaayan iti titulo ket ti pamilya Tiw-tiwan ngem dagiti nangtawid iti lote ket inlakoda iti nadumaduma nga indibidual a nangitunda tapnu maipaayan iti Special Power of Attorney wenno SPA iti pamilya Mathias ken Isican tapnu agnaed iti nasao a lugar.
Iti baet daytoy, nakaawat iti report ni Mayor Salda a nawaswas ti SPA ni Mathias ngem agingga ita ket agnanaed latta dagitoy iti Communal Forest.
