--Ads--
Naipasidong iti “restricted duty” dagiti 15 a pulis a mapapati nga adda pakainaiganna iti pannakapukaw ken pannakapapatay dagiti sumagmamano a sabungero idi 2021 agingga 2022.
Sigun kenni Justice Secretary Jesus Crispin Remulla, restricted duty dagitoy gapu iti kaso a pakainaiganda.
Kagiddan dayta, nakipagkita metlaeng ni Remula ken dagiti dadduma pay nga opisyal iti Department of Justice kadagiti pamilya dagiti mapukpukaw a sabungero idi laeng kalman.
Daytoy ket kalpasan nga imbutaktak ni Julie Patidongan wenno alyas Totoy a ti mastermind iti pannakapukaw dagiti sabungero ket ti businessman a ni Atong Ang kasta metten a naibaga nga adda pakainaiganna ditoy ni actress Gretchen Barretto.
