Naarestar dagiti sangapulo ket lima nga indibidual kalpasan a nagdalan dagitoy iti maysa a fixer tapno makaala iti driver license.
Dagitoy ket nagtaud sadiay Pangasinan, La Union ken Baguio City.
Gapu iti dayta, saan dagitoyen a dimmalan iti proseso kas iti written exam, practical exam, theoretical driving course, actual a driving course ken dadduma pay a proseso iti panangala iti lisensiya.
Naduktalan met a nagbayad dagitoy iti P9,000 no sadino ti P4500 ket mapan kadagiti fixers bayat a ti 4500 met ket mapan iti personnel ti Land Transportation Office a maatap a karaman iti daytoy.
Nupay kasta, temporaryo paylaeng a maaramatda ti licensya dagitoy ngem iti kanito a matakuatan a dagitoy ket awanan iti record iti system ken automatic a marevoke dagitoy.
Dagitoy ket naarestar iti boundary ti Bokod-Nueva Vizcaya Road bayat a dagiti lugan dagitoy ket maimpound.
Naarestar dagitoy kalpasan a nagsisinnarakda kaduada dagiti drivers a kasabwat dagiti suspek idiay Harrison, iti alas 3 ti parbangon ken nagturongda sadiay Aritao, Nueva Vizcaya no sadino ditoy da a nagala iti licensya-da agsipud ta strikto ti siudad ti Baguio iti panagala ti driver license.
Kagiddan dayta, naduktalan metten a dumanon iti 100 nga indibidual ti dimmalan iti fixers ita a lawas.
Iti pannakiuman ti Bombo Radyo kenni Department of Transportation-Cordillera, Regional Director Glen Dumlao, kinunana a possible a dagitoy ket sindikato gapu ta nabayag dagitoyen nga schema ngem ita laeng a natiliw dagitoy.
