--Ads--
Dumanon iti sangapulo ket lima nga indibidual ti pimmusay bayat a sangagasut sangapulo ket tallo ti mapukpukaw kalpasan ti panagregaay ti daga iti daya nga Uganda.
Nagresulta ti panagregaay ti daga gapu iti napigsa a panagtudo a naapektaran iti Bulambuli district.
Dumanon met ti uppat a pulo a babbalay ti nadadael ken naiyanod ti napigsa a panagregaay ti daga.
Adda dagiti immuna a naisalakan dagiti otoridad a sangapulo ket lima nga indibidual nu sadinno, naiturong dagitoy iti ospital.
Nangipaay met ti panakipagrikna ni Prime Minister Robinah Nabbanja kadagiti pamilia dagiti biktima.
