Saan a pinagan-ano ti Iran ti indiaya ti Estados Unidos nga 15-point peace plan iti tenga ti agtultuloy a tensyon iti nagbaetan ti dua a pagilian.
Maibasar iti report, nakadanon ti nasao a plano iti Tehran babaen iti pagilian a Pakistan a mannarimaan nga agserserbi kas intermediary.
Kinumpirmar ti maysa a opisyal ti Iran a naawatda ti nasao a singasing manipud Estados Unidos ngem inaganna daytoy kas maximalist ken saan a resonable gapu kadagiti kondisyon daytoy.
Saan pay laeng a naipakaammo ti detalye ti nasao a dokumento ngem sigun iti report, nadakamat iti nasao a dokumento ti kondisyon a dadaelen ti Iran ti bukbuklenda a nuclear facilities kasukat ti panangikat iti sanction nga ipatpataw ti Estados iti nasao a pagilian.
Maipalagip nga idi Martes, impetteng ni US President Donald Trump a kayat ti Tehran a maaddaan iti saritaan, banag a kinontra met ti Iran.
Kabayatanna, iti tenga ti tensyon a mapaspasamak, inlawlawag ti Iran a mabalin a dumalan dagiti non-hostile vessels iti Strait of Hormuz. //bombokaren.c.s
