Binilin ti Department of Energy (DOE) ti power industry nga agtipid ken imanehar a nasayaat ti suplay ti produkto a petrolyo iti pagilian tapno masigurado ti suplay ti kuryente ken maliklikan ti killaat a panangngato ti presyo daytoy.
Daytoy ket kalpasan iti deklarasyon ni President Ferdinand Marcos, Jr. iti state of national energy emergency.
Sigun kenni Energy Secretary Sharon Garin, kas net importer ti lana, coal, ken liquified natural gas (LNG), agan-annadda metlaeng tapno mapreserba ti power system iti pagilian.
Kinnidaw metlaeng ti nasao nga ahensya dagiti generation firms a bantayan dagitoy ti imbentaryo ti produkto a lana tapno masigurado nga umdas daytoy iti las-od ti 15 nga aldaw.
Binagaanna pay dagitoy nga ireportda nu adda dagiti makitada a potensyal a pangta iti suplay ti produkto a petrolyo para iti posible nga interbensyon. //bombokaren.c.s
