BAGUIO CITY–SUMANGSANGO iti kaso nga administratibo ken kriminal ti 15 a pulis ditoy rehiyon Cordilllera.
Segun kenni Police Senior Superintendent Nestor Eswagen Felix, dadaulo ti Internal Affairs Service (IAS) ti Police Regional Office Cordillera, 11 kadagiti nasao a pulis ti naka-base ditoy rehiyon bayat a dagiti uppat ket manipud iti dadduma a probinsya.
Kinunana a kadagiti pulis a naka-base ditoy rehiyon ket sag-tallo kadagitoy ti manipud iti probinsya ti Abra ken Ifugao; dua iti siudad ti Baguio ken sag-maysa iti probinsya ti Kalinga ken Apayao.
Inayona a dagiti ranggo dagitoy ket manipud police officer 1 agingga superintendent ken sumangsango dagitoy iti kaso a rape, robbery, libel ken alarm and scandal.
Kinunana a dagiti 10 a kaso ket naipila iti Enero agingga Mayo ti agdama a tawen bayat a dagiti lima ket idi pay 2017. |:| at
