--Ads--
Dumanon iti 16 nga indibidual ti pimmusay kalpasan a nauram ti maysa a garment factory sadiaay Bangladesh.
Maipasidong met iti DNA testing dagiti nadiskubre a bangkay gaputa saanen a mabigbig dagitoy manipud iti panakauram.
Nagtaripnong metlaeng dagiti kakabagyan dagiti biktiman iti sangnguanan ti nauram a pasdek tapno maimatangan dagiti pamilya dagitoy.
Sigun kadagiti otoridad dumanon iti tallo nga oras sakbay a nasebseban ti uram rason a nairaman a nauram ti batog daytoy a chemical warehouse.
Agtultuloy met ti imbestigasyon dagiti otoridad iti nasao nga insidente.
