Impakaammo ti Department of Education (DepEd) a 16,025 a manursuro ti naipromote kas paset ti Expanded Career Progression (ECP) system.
Sigun iti Department of Education dagiti nasao a manursuro ket pormaldan a naipromote bayat a ti promotions met dagiti 41,183 a kwalipikado a manursuro ti naitransmit iti Department of Budget and Management (DBM).
Agtultuloy metten ti panangdalusda kadagiti regional backlogs ken process mobility.
Kagiddan dayta, impetteng ni Education Secretary Sonny Angara a rumbeng nga amin dagiti manursuro ket mapadasanda ti career progression, agsipud ta adu kadagiti ti nabayagen a nangnamnama a maipromote.
Gapu iti dayta, kinunana a ti responsibilidad dagitoy ket ikkaten ken siguraduen nga aggargaraw ti sistema para kadagitoy.
