Dumanon iti 163K a police personnels manipud iti Philippine National Police (PNP) ti naituding a maideploy iti intero a Pilipinas inton eleksyon.
Sigun kenni Philippine National Police chief Police General Rommel Marbil, 100% a nakasagana dagitoyen para iti mapadpadaanan nge eleksyon iti pagilian inton May 12,2025.
Impettengna daytoy bayat ti activation ti Media Action Center (MAC) iti PNP Media Center sadiay Camp Crame.
Ti Media Action Center, ket agserbi kas central hub para iti panangikoordinar kadagiti impormasyon iti National Election Monitoring Action Center (NEMAC), Philippine National Police, national ken local media.
Kinunana pay a dagiti police regional offices ket nangrugin a nangipatulog kadagiti personnel kadagiti naidesignar a polling precincts ken areas of concern a pakaideployan dagitoy.
Manamnama met a manayunan dagitoy iti 38,000 a personnel manipud kadagiti partner government agencies.
