Dumanon iti 173 a successful blood donors ti nailista ti Bombo Radyo ken Star FM iti kaleppas a a Dugong Bombo: A Little Pain a Life to Gain sadiay Malcolm Square People’s Park, Baguio City ken sadiay Wangal, La Trinidad, Benguet.
Gapu iti dayta, balligi a naipatungpal ti nasao nga aktibidad a pinasetan dagiti blood donors, pakairamanan dagiti criminology students iti Baguio Central University, ordinary citizens, aggayyem, kameng ti Bureau of Fire Protection ken dadduma pay.
Sumagmamano kadagitoy ket namin-adun a daras a nagdonar iti dara no sadino adda pay ti silver awardee ti Philippine Red Cross bayat a dadduma kadagitoy ket first times.
Sigun kenni Mark Yap, maysa a Mechanical Engineering Student iti siudad ti Baguio a residente sadiay Zambales, daytoy ti umuna a gundaway a nagdonar iti dara.
Gapu iti dayta, naragsak daytoy ta maysa kadagiti karaman iti successful blood donors gapu ta adu ti mabalinna a matulunganna nga indibidual nga agkasapulan iti dara.
Daytoy metlaeng ti rason no apay a naawis nga agidonar iti dara malaksid a mayat daytoy iti salun-at.
Agyamyaman met daytoy kadagiti amin a personnel a nang-organsa iti Dugong Bombo: A Little Pain a Life to Gain tapno adu pay ti maurnong a dara a makatulong kadagiti rinibribu nga indibidual.
Kabayatanna, maysa metlaeng a Nursing student a first timer nga agdonar ti dara iti nakipaset iti nasao nga aktibidad.
Sigun kenkuana, nagidonar daytoy gapu iti gagarna a makatulong iti dadduma nga agkasapulan.
Kagiddan dayta, agyamyaman ti Bombo Radyo ken Star FM kadagiti amin a nakipaset kangrunaan dagiti blood donors, staffs, organizers, ken dadduma pay a timmulong para iti balligi a panakaipatungpal ti tinawen a Dugong Bombo: A Little Pain a Life to Gain ti Bombo Radyo Phillipines ken Bombo Radyo Foundation Incorporated.//Bombo Noveh Organo
