185 a PDLs iti Bilibid Prison (NBP) idiay Muntinlupa City, balligi a nagleppas iti Alternative Learning Program (ALS)

Inwaragawag ti Bureau of Corrections (BuCor) a nagleppas iti Alternative Learning Program (ALS) ti Department of Education (DepEd) dagiti 185 a persons deprived of liberty (PDLs) ti New Bilibid Prison (NBP) sadiay Muntinlupa City.

Sigun iti Bureau of Corrections (BuCor), naangay ti graduation para kadagiti PDLs idi August 8, 2025.

Iti nasao a bilang dagiti nagraduar, 106 dagiti nagturpos iti Accreditation and Equivalency (A&E) Junior High School, idinto a 79 ti nagturpos iti A&E Elementary.

Nakaawatda amin iti sertipiko manipud iti Department of Education.

Kabayatanna, guyguyuguyen ti nasao nga ahensia dagiti amin a PDLs nga ag-enrollda iti Alternative Learning Program (ALS) tapno pagsaganaanda ti “social reintegration” dagitoy.