BAGUIO CITY – Nakemmeg ti dua a drug personalities iti buy-bust operation nga insayangkat dagiti otoridad sadiay Tawang, La Trinidad, Benguet.
Nabigbig dagitoy a da Raul Olsim alyas ‘Acos’, 38-anyos, naasawaan, driver, tubo ti Buguias, Benguet ken residente ti Banig, Tawang, La Trinidad, Benguet ken Leo Viray, 42-anyos, baro, mannalon, tubo ken residente ti Macabenga, Dupax Del Norte, Nueva Vizcaya.
Sigun kenni PMaj. Cleff Vencio, hepe ti La Trinidad Municipal Police Station, naisayangkat ti operasyon iti apartment a pagnanaedan ni Olsim.
Nakumpiskar kadagitoy ti maysa a pakete ti maatap a shabu ken nagduduma a drug paraphernalia bayat a narekober ti naaramat a buy-bust money.
Dinakamatna a ni Olsim ket nabigbig manen kas high value individual bayat a ni Viray ket nabigbig manen kas street level individual iti listaan dagiti otoridad.
Sumangsango metten dagiti agpagayam iti kaso a panaglabsing iti Republic Act 9165 wenno ti Comprehensive Dangerous Drugs Act of 2002.
