--Ads--
BAGUIO CITY – Naipaiman iti Regional Explosives Unit ti Police Regional Office Cordillera (PROCOR) ti dua a Mk 2 grenade idi kalman.
Sigun kadagiti otoridad, nasarakan daytoy ti maysa a construction worker iti construction site iti uneg ti maysa nga unibersidad ditoy siudad ti Baguio.
Narekober daytoy dagiti kameng ti Baguio City Police Office – Station 5 idi nagrespondeda kalpasan a naiyuman kadakuada ti nasao a banag.
Ipalpalagip pay dagiti otoridad ti dagus a panangireport dagiti maseknan no adda ti masarakan dagitoy a pampabettak tapnu maliklikan ti aniaman nga aksidente.
Naituding a maipasidong iti umno a disposisyon dagiti nasao a granada.
