BAGUIO CITY – Nakemmeg ti dua a miyembro ti Beligen Acetylene-Bolt Cutter Gang iti uneg ti Maharlika Livelihood Complex ditoy Baguio City idi kalman.
Nabigbig dagitoy a da Allyson Aligan, 25-anyos, mannalon ken Ambrose Rex Layao, 29-anyos, driver, agpada a baro, tubo ti Patiacan, Quirino, Ilocos Sur ken residente ti Middle Quirino Hill, Baguio City.
Nakemmeg ti dua iti bileg ti warrant of arrest nga impaulog ni Presiding Judge Romeo Buenaventura ti Fourth Judicial Region, Regional Trial Court – Branch 59, Lucena City.
Sumangsango dagiti dua iti kaso a robbery nga addaan ti piyansa a sag-P200,000.
Sigun iti Baguio City Police Office (BCPO), ita laeng a namonitor da Aligan ken Layao a kameng ti bolt-cutter gang, acetylene ken termite gang nga adddan operasyon iti entero a pagilian.
Inserbi ti BCPO ken Lucena Municipal Police Station ti Quezon Provincial Police Office ti warrant of arrest dagiti dua a suspek. (-Bombo Charles Nicko Limon)
