--Ads--
Sinentensian iti Regional Trial Court Branch 61 iti tungpal biag a pannakaibalud ti dua a lalaki kalpasan a napaneknekan a nagbasol iti panangilakoda iti 57 a kilo iti marijuana nga agbalor iti P6.7 milion.
Iti desision a napetsaan iti Hulio 28, napaneknekan a naglabsing da Daryl Collera ken Arnold Atonen iti Section 5, Article II iti Republic Act 9165 wenno Comprehensive Dangerous Drugs Act of 2002.
Nabilin metlaeng dagitoy nga agbayad iti P500,000 a multa iti tunggal maysa.
Natiliw ti dua iti naisayangkat a buy-bust operation idi Abril 26, 2023 iti Camp 7, Baguio City, iti panangidaulo iti PDEA Region III, PDEA Cordillera, ken Baguio City Police Office Station 8.
Iti operasyon, nasamsam ti 57 a kilo iti namaga a bulong iti marijuana.
