BAGUIO CITY – Malamlamayan ti dua a barito a pimmusay iti panagdinnungpar ti motorsiklo ken dump truck sadiay Nan-agto, Natubleng, Buguias, Benguet idi kanikadua ti rabii.
Nabigbig dagiti pimmusay a da Norbert Lazona, 18, driver ti motorsiklo ken ni Cliff Walsie, 15, bayat a nadangran met ni Rocky Hill Apasao, 19, a bin-ig a residente ti Calasipan Atok, Benguet.
Kabayatanna, nabigbig ti driver ti dump truck a ni Marco Pad-eng Kino-an, 47, ken residente ti Palina, Taloy Sur, Tuba, Benguet.
Maibasar iti inisyal nga imbestigasyon ti pulisya, daldalyasaten ti motorsiklo ti nasao a kalsada idi killaat a nakadinnungpar daytoy ti dump truck.
Intaray dagiti concerned citizens dagiti tallo a biktima iti Atok District Hospital ngem naideklara a dead on arrival da Lazona ken Walsie.
Naiyakar met ni Apasao iti Benguet General Hospital para iti kanayunan a treatment bayat a nakemmeg ti driver ti nasao a dump truck.
