--Ads--
BAGUIO CITY – Nangipatungpal iti spilling operation ti dua a dam iti probinsia ti Benguet gapu iti panagngato ti lebel ti danum kadagitoy nga intunda ti bagyo a Ulysses.
Maibasar iti advisory ti Hydrometeorology Division ti DOST-PAGASA, nailukat ti walo a gates ti Ambuklao Dam sadiay Bokod iti sag-innem a metro bayat a nailukat ti innem a gates ti Binga Dam sadiay Itogon iti sag-uppat a metro.
Imballaag met ti ahensia ti dakkel a posibilidad iti panaglayos kadagiti pagmulaan ken kabalbalayan iti target area ti Flood Warning Zone ti Ambuklao Dam.
