--Ads--
BAGUIO CITY – Im-imbestigaran paylaeng dagiti otoridad ti panakauram ti dua a hydraulic hose ti dua a backhoe sadiay Awa, Topdac, Atok, Benguet itay laeng nabiit.
Naamuan a tagikua ti Jomarcan General Construction dagiti nasao a hydraulic hose.
Maibasar iti report, naimatangan ti maysa a residente ti Sitio Awa, Topdac, Atok a maur-uram ti hose ti maysa a backhoe ti nasao a kompanya isut gapuna a dagusna a pinaka-ammuan dagiti trabahador ti kompanya.
Nagpaarayat met dagitoy iti maysa a barangay tanod ti Barangay Topdac a nangsebseb iti apoy.
Iti panaginspeksion dagiti empleyado ti kompanya iti nakapasamakan ti insidente, nadiskubreda a nauramen ti hose ti maysa pay a backhoe babaen iti panagaramat ti suspek iti bulong ti pine tree.
